Mga Ipinagdiriwang na Pista sa Bicol

 

Pista ng Peñafrancia

Ang Ina ng Peñafrancia o Birhen ng Peñafrancia "Ang Ating Ina ng mga Pighati ng Francia ay isang pamagat para sa Birheng Maria at kinakatawan ng isang po-on o estatwang kahoy ng Birheng Maria na matatagpuan sa Lungsod ng Naga, Pilipinas. Ang estatwang ito ng Birheng Maria ay kinopya mula sa isang nasa Peña de Francia sa Salamanca, Espanya. Libu-libong mga manlalakbay (mga peregrino), mga deboto, at mga turista ang nagpupunta sa Lungsod ng Naga tuwing Setyembre para sa isang kapistahan, na tinatawag bilang Pista ng Peñafrancia, na nagtatagal nang siyam na mga araw, bilang pagpaparangal sa Ina ng Peñafrancia, ang patrona (tagapag-adya) ng Bikol.

Ang imahen ng Birheng Maria na tinaguring Mahal na Birhen ng Peñafrancia o Ina ng Peñafrancia ay siyang pintakasi ng buong Kabikolan. Ito ang naging tanggulan at sandigan ng mga Bikolano sa loob ng 300 taon. Nagsimula ang pamimintuho sa Mahal na Birhen ng Peñafrancia sa bansang Espanya na kung saan ang orihinal na imahen ng nasabing Birhen ay nakita ng isang lalaking nagngangalang Simon Vela sa kabundukan ng Peña de Francia sa pagitan ng Caceres at Salamanca. Ang larawan nito ayon sa imaheng Bicolano ay nakatayong imahen ng Birhen na walang kamay at tanging ulo lamang ng Birhen at ng Sanggol ang nakikita. Ito ay may sukat na nasa dalawa o dalawa't kalahating talampakan. Ang buong katawan ng imahen ay nababalutan ng bakal kung kaya't tanging ulo lamang ng Birhen at ng Sanggol ang nakikita. Ang dahilan nito ayon sa ibang mga haka haka ay para maiwasan ang pagkasira ng Birhen at dahil ang Birhen ay isang uri ng imahen na tinatawag na de-talyadang imahen. Ito ay kopya ng imahen na nasa Espanya. Sinasabi daw na ang Birhen ng Peñafrancia ay nasa ilalim ng adbokasiya ng Mahal na Birhen ng Santo Rosaryo.

 

Pista ng Magayon 

Ang Magayon Festival 2012, ang pangunahing pista ng Albay, ay tiyak na kalulugdan ng mga turista at bisita sa lalawigan ngayong Abril. Ang masiglang mga tampok nito ay maghahatid at magpapabatid sa kanila sa maalamat at makulay na kasaysayan ng lalawigan.

Tampok sa isang buwang selebrasyon mula Abril 10 hanggang Mayo 10 ngayong taon, ang halos 150 mga natatanging kaganapan at programa na kinabibila­ngan ng mga gawaing pang­kultura at sining, pangkala­kalan at industriya, pang-turismo, palakasan, biyahe sa kainan o “culinary food trips”, at “special interests”.    

Ayon kay Albay Gov. Joey S. Salceda, sa Magayon Festival 2012 ay ipapakita sa madla hindi lamang ang kahusayan at ganda ng kalooban ng mga ­Albayanon, kundi ito’y pista ng kasayahan na magsusulong din sa ­turismo, kalakalan at industriya tu­ngo sa kaganapan ng layu­ning kaunlaran ng lalawigan.

Mayaman sa kasay­sayan at magagandang tanawin gaya ng Mayon Volcano na halos perpekto ang hugis “cone” nito, at ng Cagsawa Ruins na ang nati­rang nakalitaw ng simba­hang inilibing ng pagsabog ng Mayon noong 1816 ay ang tuktok ng kampanaryo nito, binibigyan ng ­Albay ng pansin ang pagpapa­sulong sa turismo nito.